Europar Batasuna

Europar Batasuna (EB) Europako 27 estatuek osatzen duten nazioz gaindiko erakundea da. 1994ko azaroaren 1ean Maastrichteko Itunarekin sortu zen. 1950ko hamarkadan sortu zen Europako Ekonomia Erkidegoaren ordezkaria da EB. 3976.372 km²-tan hedatzen da, eta 459.500.000 biztanle ditu (115.6 bizt./km²; 2005).

Brusela da Europar Batasuneko erakundeen egoitza nagusia, bertan daude Kontseiluaren, Komisioaren eta Legebiltzarreko egoitza administratiboak.

Parlamentuari dagokionez, Estrasburgo da hiriburu ofiziala (bertan egiten dira osoko bilkurak), Brusela hiriburu exekutiboa eta Estrasburgo hiriburu administratiboa.

Europako Justizia Auzitegiaren egoitza Luxenburgon dago.

Hala ere, Londres da hiririk handiena.

Gaur egun Europar Batasuna bost instituziok gobernatzen dute. Europar Batasuna eratu duten hitzarmenetan ondoko hurrenkeran sortu ziren: Europar Parlamentua, Europar Batasuneko Kontseilua, Europar Komisioa, Europako Justizia Epaitegia eta Europako Auditoreen Epaitegia.

Europar Komisioa EBren botere exekutiboa da, eta lege-ekimenak zein Batasuneko eguneroko jarduna ditu bere gain. Kontseiluan ez bezala, non herrikideen ordezkariek norberaren interesen alde egin behar baituten, Komisioan Batasun osoaren interesak dira defenditzekoak. Halaber, europar integrazioaren bultzatzailea ere bada Komisioa. Orain 27 komisariok osatzen dute, herrikide banakoak, nork bere ardura politiko desberdina duela. Komisioburua, gaur egun Durao Barroso, eta gainerako komisarioak Kontseiluak aukeratzen ditu, parlamentuak berretsita.

• 1958an Ikatza eta Altzairuaren Europar Elkarteko 6 estatu fundatzaileek Europako Ekonomia Erkidegoaosatu zuten: Alemaniako Federal Errepublika, Frantzia, Italia, Luxenburgo, Belgika  eta Herbehereak.
• 1973ko urtarrilaren 1ean Danimarka (Groenlandia sartuta), Irlanda eta Erresuma Batua komunitatean sartu ziren.
• 1975ean Europako Eskualde Garapenerako Funtsa sortu zen. Bere helburua garapen ekonomiko handiagoa duten eskualde eta herrialdeek gainerako herrialdeei laguntza ematea zen, horrela Europako herrialde guztiak garapen maila antzekoa lortzeko.
• 1979ko ekainean Europako Parlamentua aukeratzeko lehen hauteskundeak egin ziren sufragio unibertsal zuzenez.
• 1981eko urtarrilaren 1ean Grezia sartu zen.
• 1985eko urtarrilaren 1ean Groenlandia atera zen, Danimarkako agindua gaindituz.
• 1986ko urtarrilaren 1ean Portugal eta Espainia kide bilakatu ziren, guztira 15 estatu batuz.
• Maiatzaren 26an Europako bandera urdin eta izarduna onetsi zuen.
• 1987ko uztailaren 1ean Europako Akta Bakarra indarrean sartu zen.
• 1990eko urriaren 3an Alemaniako ekialdeko zatia ere (aurretik erregimen komunistaren menpe zegoena) sartu zen erkidegoan.
• 1993an Europar Elkartea izena hasten da ofizialki erabiltzen..
• 1995ean Austria, Finlandia eta Suedia sartzen dira.
  
• 2004ko Maiatzaren 1ean Txekia, Zipre, Eslovakia, Eslovenia, Estonia, Hungaria, Letonia, Lituania, Malta eta Polonia sartzen dira.
• 2007an Rumania eta Bulgaria.

Galderak erantzuteko abiatu aplikazioa ondoko irudian klik eginez. Galdera guztiak erantzun eta gero, egin klik eskuineko botoiaz fitxaren edozein puntutan, eta agertzen den menuan "imprimir" aukeratu.