Egunero eskolan lagunekin jolasten duzu, eta batzuetan ere haserretu edo istiluak eduki. Hori nahiko normala da, eta erlazioetan momentu onak eta txarrak izaten ikasi behar duzu, bai eta konpondu ere. Baina, noizbehinka ikusi duzu lagun edo ezagunaren bat besteengandik askotan txantxak edo kolpeak jasatzen? Zuri gertatu zaizu? Ziur aski telebistan ikusi dituzu horrelako kasuak, eta batzuetan nola amaitzen diren ere. Egun hauetan eskola jazarpena zer den ikasiko dugu, eta zer egin ahal dugun gure inguruan horrelakoren bat izatekotan.
Hasi baino lehen gaiari buruz dakizuena aztertuko dugu. Horretarako, eskuratu fitxa eta erantzun galderak geroago irakaslearekin partekatzeko.

4-ko taldeak egingo dituzue, talde bakoitzean koordinatzaile bat izendatuz.

Talde bakoitzak zera egin behar du:

1. Eskola-jazarpenari buruzko aurkezpena. Bertan zera hartuko duzue kontuan:
   Zer da eskola-jazarpena?
   Eginkizunak: erasotzailea, biktima eta begiraleak.
   Mota desberdinak.
   Zergatiak eta ondorioak.
   Ekiditzeko aholkuak.
   Zer egin ahal dugu kasu bat ematekotan?
2. Zuen eskolako jazarpenaren ikerketa.
   

1. Aurkezpena egiteko, WebQuest honetan emandako baliabideak eta zuek bilatutako materiala (liburuak, aldizkariak web orriak...) erabiliko dituzue. Talde bakoitzak aukeratuko du aurkezpenaren formatoa: Power Point, Open Office Impress, Wikia, Glogster...
2. Eskolako ikerketa egiteko, talde bakoitzak eskolako gela bat hartuko du, eta egun batzuetan gela horren umeen arteko harremanak aztertuko ditu.
   Gela horren irakaslearekin hitz egin, egun batean bertan sartzeko umeak ezagutzeko, eta gelako harremanak aztertzeko.
   Jolasaldian umeak behatuko dituzue:

Datu hauek jasotzeko fitxa bat prestatu behar duzue, eta jolasaldietan bete.
Kontuan hartu ezin duzuela esku hartu istiluren bat ikustekotan. Zuen lana behatzea da, ez arazoak konpontzen saiatzea.
Egun batzuetako behaketa egin eta gero, galdetegi bat prestatuko duzue umeek erantzuteko. Kontuan hartu umeen maila, galdetegia beraien adinari egokitzeko. Galdetegian ez dira umeen izenak agertu behar.
Jasotako informazio osoarekin txostena prestatuko duzue, horretarako ere nahi duzuen formatoa erabiliz.

Hurrengo estekak erabil ditzakezue informazioa aurkitzeko, beste aldetik zuek ere lotura desberdinak aurkitzen saiatu behar duzue.

WebQuest honen ebaluazioa egiteko hurrengo puntuak hartuko dira kontuan:

• IKT-ren erabilpena.
• Taldeko lanean parte hartzea.
• Zereginaren lanketa: informazioaren bilketa, interneteko ikerketa, beste errekurtsoen erabilpena...
• Lanaren aurkezpena eta azalpena gelakoen aurrean.