konpetentzia01

Posta-kontua behin eginda lanean hasiko gara:

Sartu zure posta-kontuan. 3 mezu aurkituko dituzu, Gmailek berak bidalitakoak. Irakurri.
Irakurri eta gero, ezabatu mezuak.
Bidali mezu bat gelako lagun bati eta eskatu erantzuna. Mezu horretan irudi bat eta web orri baterako lotura sartu behar dituzu.
Lagunak itzulitako mezua irakurri eta gero etiketatu "froga" etiketarekin.
Gehitu lagun hori zure kontaktuetara.
Gehitu irakaslea eta gelako ikaskide guztiak zure kontaktuetan.

Gmailen esperientziarik baldin baduzu, hasi ariketak egiten. Inoiz erabili ez baduzu, ikusi beheko aurkezpenak ariketak egin baino lehen.

Gmail: aurkezpen orokorra.

Gmail: eposta bidali.

Lotura jarri

Kontaktu berria sortu.

Egin dituzun ekintzak oinarrizkoak dira Gmail erabiltzeko. Askotan egin beharko dituzu eskolako lanak burutzeko, beraz behin eta berriro bueltatuko gara orri horretara. Orain lehenengo pausoekin amaitzeko, mezu bat bidaliko diozu zure irakasleari, berak zure helbidea bere kontaktuetan sartzeko.

Google Docs interneten lan egiteko aplikazio batzuek osatzen dute. Agian "hodeietan lan egitea" esaera entzun duzu, zer esan nahi zuen ongi jakin gabe. Interneten lan egitea da, eta honek abantaila batzuk izaten ditu: dokumentuak eta aplikazioak interneten bertan daude, beraz ez ditugu ordenagailuan izan behar, beste aldetik egiten ditugun lanak beste batzuekin partekatu ahal ditugu, bai batera lan egiteko, bai amaitu eta gero beste bati bidaltzeko.

Google Docsen 6 aplikazio aurkituko ditugu, baina guk 3 erabiliko ditugu:

Dokumentuak: testu prozesadore bat da, hori da testuekin lan egiteko erabiliko dugu. Bertan testuak, irudiak eta beste orrialdetarako loturak jarri ditzakegu.
Aurkezpenak: informazioa aurkezpen baten bidez azaltzeko erabiliko dugu. Oso aproposa da gai bati buruzko informazioa emateko.
Kalkulu-orria: taulak egiteko erabiltzen da, bertan matematika kalkulu batzuk egin ditzakegularik. Guk, batez ere datuak tauletan antolatzeko erabiliko dugu.