Wiki webgune mota berezia da. Bertan erabiltzaileek orrialdeak sortu, editatu, ezabatu eta eraldatu ahal dituzte. Normalean pertsona batek, irakaslea zuen kasuan, sortzen du wikia, eta baimena ematen die erabiltzaileei bertan parte hartzeko. Wikiren helburua elkarlana sortu eta bultzatzea da, guztiok esku hartuz eta informazioa emanez. Ziur aski, nabigatzen, askotan sartu zara Wikiren batean, Wikipedian esate baterako. Wikipedian edonork argitaratu ahal du, horrela interneteko entziklopediarik garrantzitsuena osatu egin da.

Wiki baten partaidea izateko mezu bat jaso behar duzu zure posta-kontuan gonbidapenarekin. Bertan agertzen den loturan sakatuz, Wikiren orrira abiatuko zara. Sartzeko erabiltzaile izena eta pasahitza eskatuko dizkizu. Gmailen erabiltzen dituzun berberak erabili ahal dituzu, horrela errazagoa egingo zaizu gogoratzea. Sartu bezain laster editatzen has zaitezke. Komeni da sartzen zaren momentuan orria faboritoetan gordetzea, aurrerantzean arinago eta arazorik gabe Wikira abiatzeko.

Wikin sartzean 2 lan-eremu handiak ikusiko dituzu. Ezkerreko zutabean, nabigazio barra, eta erdialdean editatze leihoa. Nabigazio barran estekak eta aurkibideak jartzen dira, editatze leihoan mamia publikatzen da (testuak, irudiak, bideoak...). Bietan berdin editatzen da eta aukera anitza dago informazioa gehitzeko: testua, irudiak, bideoak, egutegiak, dokumentuak, erlojuak... Guk inportanteenak ikusiko ditugu, gero zuen kabuz, beste posibilitateak azter ditzakezue.

• Orri berria: Wikiren orri berriak sortzeko erabiltzen da. Wikiren antolamenduaren arabera sortuko dituzue orri berriak: bat arlo bakoitzerako, bat lantalde bakoitzerako...
• Aldaketa berriak: Normalean Wikiren sortzaileak erabiliko du. Bertan egindako azkenengo sarrerak kudeatu ahal dira eta baliogarriak ez direnak ezabatu.
• Kudeatu Wikia: Hemen ere Wikiren sortzaileak lan egingo du. Wikiren formatoa aldatu ahal da, partaide berriak gonbidatu, orriak kudeatu...