Dakizuenez, Lurra da bizi garen planeta. Ezinbestekoa da ondo ezagutzea, bertan gertatzen diren prozesu eta ekintza asko ulertzeko. Ikasgai honetan, bere formazioa, konposizioa, mugimenduak, prozesu geologikoak eta beste ezaugarri batzuk ikasiko ditugu. Azkenengo urteotan teknologiari esker oso ondo ezagutzen dugu gure planeta, baina tekonologia eta industri aurrerapenak arazo larria bihurtu ahal dira Lurrerako. Gure etxea da, eta bakarra, beraz, ezinbestekoa da ondo zaintzea. Lurrak dituen arazorik larrienak aztertuko ditugu, eta horrekin batera guk geuk hartu ahal ditugun neurriak arazo horiei konponbidea emateko.

Hasteko Lurra ikusiko dugu espazioan agertzen den moduan. Google Earth aplikazioarekin lotura hau erabiliz, hurrengo galderak komentatu gelan.

• Lurra da gure planetaren izena, baina zer pentsatzen duzu, lur ala ur gehiago dagoela?
• Mugitu Lurraren ingurutik sagua erabiliz. Ura eta lurra sakabanaturik daude ala multzo handiak osatzen agertzen dira?
• Nola deitzen dira lur multzo handiak. Zeintzuk dira ezagutzen dituzunak? Kokatu mapan.
• Nola deitzen dira ur-masa handiak? Zeintzuk dira ezagutzen dituzunak? Kokatu mapan.
• Mugitu Lurra ezkerretik eskuinera eta alderantziz. Nola pentsatzen duzu mugitzen dela benetan? Zergatik?
• Mugitu Lurra Iparretik Hegoaldera sagua erabiliz. Zer dira zuriz agertzen diren zatiak iparraldean eta hegoaldean?

• Zer ikusten duzu animazio honetan?
• Zein da Lurra horien artean?
• Zeren inguruan mugitzen dira planetak?
• Guztiek daramate abiadura berdina?
• Zer gertatzen da bira osoa egiten denean?