lurra013

Binaka edo hirunaka jarrita hurrengo galderak komentatu eta eman erantzuna, gero gelan zuen ikaskideekin eztabaida sortzeko.

Zer da antipoda? Zein lurralde da Euskal Herriko antipoda?
irudikatu Lurra espazioan. Esfera bat denez, beharbada pentsatuko duzu leku batzuetan buruz behera egon behar direla... zergatik ez dira erortzen?
Lurra etengabe mugitzen ari da. Zergatik ez dugu nabaritzen?
Aztertu zure geriza egunaren zehar. Bere forma badoa aldatzen. Zergatik?

Airearen eragina ikusteko, beste praktika bat egingo dugu. Utzi erortzen lurrera liburu bat eta folio bat. Zein ailegatzen da lehenengoa? Jarri orain folioa liburuaren gainean, eta utzi erortzen berriro. Zer gertatu da orain? Zergatik?

Ikusi hurrengo bideoa. Ilargian grabaturik dago. Bertan, ilargira ailegatu zen lehenengo gizakiak (Armstrong) mailu bat eta luma bat uzten ditu zolura erortzen. Biak batera ailegatzen dira. Berdin gertatuko litzateke zuk gelan egiten baduzu? (Luma eta mailua erabili beharrean, beste gauza batzuk erabili ahal dituzu: boligrafo eta orri bat, arbelako ezabagailua eta zuhaitz baten ostoa...) Zergatik ez da berdin gertatzen?

"Experimentos simples para entender una tierra complicada" liburutik hartuta. Irudia: Luis D. Morán.

Egin klik ondoko irudian autoebaluazioa egiteko. Pentsatu ondo erantzunak eman baino lehen, eta beterik dagoenean inprimatu. Horretarako klik egin eskuineko botoiaz eta "imprimir" aukeratu.

Ikasgaiaren laburpena egingo duzu eskema baten bidez. Horretarako jarraitu hurrengo pausoak:

Irakurri bitan ikasgaia, eta desberdindu atalik garrantzitsuenak.
Pentsatu eskema egiteko erabiliko duzun formatoa: giltzak, taulak...
Kalkulatu atal bakoitzak beharko duen espazioa, azpiatalak, definizioak eta informazioa sartzeko.
Zatitu folioa atal bakoitzari bere espazioa emanez.
Hasi egiten, datu eta informazioa osoa ordenaturik idatziz.