Orain talde bakoitzean lortu dituzuen emaitzak aztertuko dituzue. Komentatu zuen artean:

Talde bakoitzean zenbatek egin duzue ondo?
Emaitza desberdinak egon badira, zergatik pentsatzen duzue izan dela?
Talderen batean abantaila zeukaten? Zergatik?
Erantzun desberdinak lortu dituzue?

Normalean 1. taldekoentzat zailagoa izaten da, eta azkenengo taldekoentzat errazagoa. Zergatik? Eskura duzuen tresnaren kopuruagatik. Lehenengo taldeak entzun besterik ez du egin. Bigarrenak nahi zuen aldiz irakurtzeko aukera zeukan, hirugarrenak marrazkien laguntza izan du, eta laugarrenak irudiena. Zer ikasi behar duzue? Zenbat eta informazio eta tresna gehiago eduki, errazagoa egingo zaizue problemak burutzea. Beraz guztiz beharrezkoa da problema bat burutzerakoan pauso batzuk jarraitzea:

1. Behar duzun alditan irakurtzea ondo ulertu arte.
2. Buruan bildu datuak eta problemak eskatzen dizunaren ideia argia hartu.
3. Paperean datu guztiak bildu eta galdera idatzi.
4. Marrazki edo eskema bat egin problema irudikatzeko.
5. Behar diren eragiketak egin ordena eta garbitasuna mantenduz.
6. Amaitu eta gero emaitza ziurtatu.