Hurrengo irlara abiatu ginen eta ailegatu bezain laster oso berezia zela konturatu ginen. Laborategiz beterik zegoen eta jende asko ikusten zen alde batetik bestera ikerketak egiten. Ez zegoen inor gure zain, horregatik gure ondotik pasatu zen zientzilari bati galdetu genion.
- Kaixo, zer egiten duzue hemen?
- Eta... nortzuk zarete zuek? ... Ah, bai orain gogoratzen dut, matematika ikasleak zarete. Barkatu, baina hemen beti ikerketak eta esperimentuak egiten ematen dugu denbora, horregatik batzuetan beste gauza batzuk ahazten ditugu.
Gizona nahiko zaharra zen, horregatik adina galdetu nion.
- Zenbat daukazu zuk? Galdetu zidan.
- Hamaika. Erantzun nion nik.
- Ba 4 urte barru, zuk izango duzun adinaren laukoitza daukat nik orain.
- Momentu batean pentsatzen gelditu nintzen eta zientzilarien adina asmatu nuen. Zuk ere asmatu baduzu sakatu dagokion botoia beheko laukian.

Nire erantzuna eman nion zientzialariari eta zoriondu zidan asmatzeagatik. Gero honela esan zuen:

Zuek ere problemak ondo egin nahi badituzue, ikertzaile onak izan behar zarete. Arreta handiz irakurri behar dituzue problemak, ongi ulertu arte. Datu guztiak aztertu, zeintzuk balio duten eta zeintzuk ez desberdintzeko. Galderak egin behar dizkiozue zuen buruei soluzioaren bidea prestatzeko, eta eragiketak ongi prestatu eta burutu. Ikertzaile onak zareten jakiteko joko bat planteatuko dizuet, hurrengo orrian aurkituko duzuena.