Hurrengo irlara abiatu ginen. Ailegatu bezain laster, margolari batek agurtu gintuen eta honela hitzegin zigun.

- Ongi etorriak margolarien irlara. Aurreko irletan marrazki edo eskema bat egiteko garrantzia azaldu dizuete. Irla honetan asko gustatzen zaigu marrazkiak egitea, egun osoa ematen dugu hori egiten. Hemen marrazkien erabilera askoz argiago ikusiko duzue, problema batzuetan ezinbestekoa da marrazkia argi izateko. Hasi baino lehen galderaren bat duzue?
- Bai esan zuen Anderrek. Zenbat margolari dago irla honetan?
- Beno jakin behar duzue zuen galderak erantzuteko problema txiki bat planteatuko dizuegula beti. Buruz eman behar duzue erantzuna, baina kontuz, buruz egitea ez du esan nahi arin egin behar dela, ondo pentsatu eta gero emango duzue erantzuna. Hauxe da nire problema: margolari bakoitzak 10 margo erabiltzen ditu, margoak 5eko kutxetan gordetzen ditugu, eta 1.000 kutxa dauzkagu. Burutu eta zenbat margolari dagoen jakingo duzue.