- Zer gertatzen zaizue? Zergatik zaudete eztabaidatzen? Galdetu zien Julenek.
- Problema bat egin dugulako.
- Eta noski, nork egin duen ondo eztabaidatzen duzue.
- Ez, guztiok egin dugu ongi.
- Orduan zergatik eztabaida bero hau?
- Bakoitzak bide desberdin bat jarraitu dugulako erantzuna emateko, eta nork jarraitu duen biderik politena erabakitzen ari gara. Gu askotan elkartzen gara problemak burutzeko, eta bakoitzak bide desberdin bat jarraitu behar du.
- Baina erantzun bera lortzen baduzue, berdin izango da nola ailegatu zareten horra.
- Beno guretzat inportantea da bide berriak eta bitxiak aurkitzea, nahiz eta problema erraza izan.
- Noski, horrela badaukazue eztabaidatzeko aitzakirik. Nik uste dut hori dela gustatzen zaizuena, problemei buruz eztabaidatzea. Esan zuen Amaiak.
- Beno hori ere gustatzen zaigu, beti era onean, lagunak bezala noski, eta besteen iritziak onartuz. Gauza bat egingo dugu. Problema bat planteatuko dizuet. Binaka, problemari erantzuna emateko dauden bide desberdinak bilatuko dituzue, ea zein bikotek lortzen duen bide gehiago. Pasatu hurrengo orrira eta hasi egiten.