Hurrengo irlara abiatu ginen, hau ere berezia benetan. Etxeek laberinto bat ematen zuten, eta jendea alde batetik bestera zebilen bide desberdinak bilatzen laberinto horren barruan. Bueltaka zebilen emakume bat guregana hurbildu zen.
- Egun on, zuen zain geunden.
- Egun on, esan genion. Zertan zabiltzate hainbeste buelta egiten etxeen artean?
- Hauxe estrategien irla da. Hemen gauzak era desberdinetan gustatzen zaigu egitea, batzuek bi etxe arteko biderik laburrena bilatzen dute, beste batzuek errezena ez galtzeko, beste batzuek desberdin egiten dute lagunak agurtzeko bidetik... beti aukera desberdinak frogatzen saiatzen gara.
Zuek ere hona etortzeko biderik laburrena egin duzue, baina beste batzuk zeuden: olatu handien bidea, sumendiko irlaren bidea... azkenengo hau da luzeena hona etortzeko 120 Km egin behar dira eta. Zuek aukeratutuko bidea, horren erdia gehi 15 Km-koa da. Hori jakinda, badakizue zenbat Km egin duzuen?
- Barkatu, baina nik ez dut oso ondo ulertzen zer den estrategia.
- Erraza da, jarraitu behar diren pausoak edo burutu behar den plana zerbait lortzeko. Ziur aski askotan zuen jokoetan estrategia desberdinak erabiltzen dituzue. Futbiton edo saskibaloian jolasten duzuenean, jokalariak zelaian kokatzen dituzue bakoitzaren trebetasunaren araberan, edo desberdin planteatzen duzue partida kontrakoaren arabera. Adibide bat ikusiko duzue joko baten bidez. Joko honetan badago estrategia bat beti irabazteko. Jokatu binaka eta saiatu estrategia hori aurkitzen.
- Europa
- Lurra
- WebQuest
- Problemak
- Gaitasun digitala
- Probabilitatea
